« BEST BLOG
CHARLIE AND THE CHOCOLATE FACTORY »

HALE *Fans* Club

Medyo masaya ako sa takbo ng local music scene dahil parang kabuteng nagsusulputan ang mga banda ngayon. Hindi na yata uso yun mga popstars in the likes of Sarah Geronimo atbp kasi wala silang ibang ginagawa kundi mag-revive nito at mag-revive ng kantang yan. Nalalaos na rin yata ang acoustic music e. Uso naman (ulit) yung mga alternative and rock music from Bamboo atbp. At syempre yung mga kantang sa unang rinig ay akala mo foreign band and then you’ll be surprised na local artist pala yun tulad ng Cueshe at…Hale…
About Hale. Bagong pambansang awit yung kanta nilang “The Day You Said Goodnight” na dati’y kinaluluklukan ng “Wag na Wag Mong Sasabihin” ni Kitchie Nadal. Sobrang sikat na. Pinauso ng MYX at ABS. Yes, their music is good but what I hate are those girls saying that they are “fans” of Hale just because of the vocalist (Champ) and that latest single. Para bang, ‘fan’ na ba yun? Kung hindi ba kagwapuhan yung vocalist, fans pa rin sila? I don’t think so. Para silang Lord of the Rings “fans” na si Legolas lang ang gusto sa buong trilogy.

And now, Hale has a fastfood commercial na. Para na silang boyband at yung ibang band member, parang saling-pusa lang sa commercial. Nahiya lang siguro yung producer ng commercial na sabihin sa ibang band member na si Champ lang talaga yung kailangan sa commercial kaya sinama na rin yung iba. They take advantage sa popularity ng Champ na ‘to. Dapat hindi na Hale yung name ng band e. Dapat “Champ” na.

Teka lang. I’m not attacking Hale. Gusto ko rin naman music nila e. Baka sabihin nyo inggit ako kay Champ dahil gwapo siya at ako hinde…Hehe…Hindi naman ako nagsabi na gwapo e…yung 3 sisters ko..Bwahaha…Ayoko lang dun sa mga *fans* na ganun. Hindi lang naman sa “fans”ng Hale pati na rin sa iba. It just so happens na popular ang Hale ngayon.

Wish ko lang na sana yung mga “fans” na ganun, ma-appreciate nila yung buong banda at syempre yung music…hindi lang si Champ. (Ganun din sa mga fans ni Legolas ‘lang’ na sana ma-appreciate yung buong trilogy hindi lang si Legolas.) Dun lang matatawag na tunay na fan. Ayoko rin kasi ng super popular things as in kasing popular ng Math question na “1+1 ?”

(Exception na dun yung LOTR syempre. Hindi ko naman nagustuhuan yun dahil lang sa popular yun. Nagkataon lang na marami rin may gusto kaya popular na din. Edi parang ganun din ang Hale? Eh…bahala na. Basta iba pa rin yun. Ako na lang nakakaalam.)

Kahit ako, ayoko ng popular ako. Low-profile lang ako. Ayoko ng nagpapa-popular. Mas gusto ko yung makilala ako sa talent ko (kung ano man yun) ng hindi nagpapa-obvious na may ganun pala akong talent. Gets? Yun bang parang hayaan nyo silang ma-discover kung ano man yun…

 

This entry was posted on Monday, August 22nd, 2005 at 8:21 pm and is filed under Music, Entertainment, Complaints. You can follow any responses to this entry through the RSS 2.0 feed. You can leave a response, or trackback from your own site.

Leave a Reply